Popular Bible Verses from Isaia 50

Share

‘Ua foa‘i mai ‘iā te a‘u e le Ali‘i le ATUA le laulaufaiva o ē ‘ua a‘oa‘oina, ‘ina ‘ia ‘ou iloa ‘ona fa‘amafanafana i se ‘upu i lē ‘ua tigāina. Na te fāgua a‘u i lea taeao ma lea taeao; na te fāgua o‘u taliga, ‘ina ‘ia ‘ou fa‘alogologo e pei o ē ‘ua a‘oa‘oina.

A o le Ali‘i le ATUA e fesoasoani mai o ia ‘iā te a‘u; o le mea lea ‘ou te lē mā ai. O le mea lea ‘ua ‘ou faia o‘u mata ‘ia pei o le papa alā; ‘ua ‘ou iloa fo‘i e lē fa‘amāina a‘u.

O ai ‘ea so ‘outou ‘ua mata‘u i le ALI‘I, o lo‘o fa‘alogo i le ‘upu a lana ‘au‘auna, e lē savali i le pouliuli, ‘ae leai sona malamalama? ‘Ia fa‘atuatua o ia i le suafa o le ALI‘I ma fa‘alagolago i lona Atua.