Popular Bible Verses from Isaia 46

Share

O lo‘o fa‘aali talu mai le amataga o mea e mulimuli; mai anamua fo‘i o mea ‘ua lē faia; o lo‘o fai ane, “E tu la‘u pule, ‘ou te faia fo‘i mea uma ‘ou te loto i ai.” O lo‘o vala‘au i le manulele e fe‘ai mai sasa‘e; o le tagata mai le nu‘u mamao ‘ua ‘ou tofia. Na ‘ou fai atu ai, ‘ou te fa‘ao‘oina ai lava; na ‘ou fuafuatia, ‘ou te faia lava.

E o‘o ‘ina e toeaina, o a‘u lava o ia, e o‘o fo‘i ‘ina ulusinā. O a‘u lava ‘ou te tau‘ave ‘iā te oe; o a‘u na ‘ou faia, ‘ou te si‘itia fo‘i, ‘ou te tau‘ave, ma ‘ou lavea‘iina oe.

‘Ia ‘outou mānatunatu i mea muamua talu mai le vavau; auā o a‘u o le Atua, e leai lava se tasi; o le Atua, e leai se ma te tutusa.

Fa‘alogo mai ia ‘iā te a‘u, ‘outou le ‘āiga, o Iakopo, ma ‘outou uma o ē ‘ua totoe o le ‘āiga o Isaraelu, O ē ‘ua tau‘ave e a‘u talu ‘ina fānau mai i le manava; ‘ua si‘itia e a‘u talu ‘inā fānau mai.