Popular Bible Verses from Isaia 33

Share

O ia o lē e tumau ai ou tausaga, o le tele o le fa‘aolataga, o le poto ma le malamalama; o le mata‘u i le ALI‘I, o lana ‘oloa lea.

Le ALI‘I e, ‘ia e alofa mai ‘iā te i matou, ‘ua matou fa‘atalitali atu ‘iā te oe; ‘ia fai oe mo latou lima i taeao uma, o lo matou fa‘aola fo‘i i ona po o le puapuagā.

Auā o le ALI‘I o lo tatou fa‘amasino ia, o le ALI‘I o lo tatou fai tulafono, o le ALI‘I o lo tatou tupu, o ia lava e fa‘aola ‘iā te i tatou.

O lē ‘ua savali i le amiotonu ma tautala i ‘upu tonu; o lē ‘ua ‘ino‘ino i le ‘oloa e maua i le fa‘asauā, ‘ua lia‘iina e ia ona lima ‘ina ne‘i tago i se taui, ‘ua pupuni e ia ona taliga ‘ina ne‘i fa‘alogo atu i pulega o fasiga, ‘ua moe fo‘i ona mata ‘ina ne‘i va‘ai atu i le leaga. E mau lava o ia i le mea maualuga, o ‘olo papa o lona malu lea; e foa‘iina ‘iā te ia ana mea e ‘ai, e tumau pea ‘iā te ia le vai.