Popular Bible Verses from Isaia 30

Share

E fa‘alogo fo‘i o ‘outou taliga i le ‘upu i o ‘outou tua, pe a ‘outou afe ane i le itū taumatau pe afe ane i le itū tauagavale, e fa‘apea mai, “O le ala lava lenei,” ‘ia ‘outou sāvavali ai.

‘Ae ui lava i lea e fa‘atalitali le ALI‘I ‘ina ‘ia alofa fua mai ‘iā te ‘outou. O le mea lea e tala‘i ai o ia e alofa ‘iā te ‘outou; auā o le ALI‘I, o le Atua e fa‘amasino tonu ia; ‘amu‘ia i latou uma o ē fa‘atalitali ‘iā te ia.

Auā o lo‘o fa‘apea ‘ona fetalai mai o le Ali‘i le ATUA, o le Pa‘ia o Isaraelu: O lē liliu mai ma le filemū e fa‘aolaina ai ‘outou, o le filemū ma le fa‘atuatua o lo ‘outou malosi lea; a ‘ua ‘outou lē mafafai.

E avatu e le Ali‘i ‘iā te ‘outou le mea e ‘ai o le ma‘osi‘osi ma le vai e maua ma le tigā; e lē toe lalafi o ‘outou a‘oa‘o, ‘ae va‘ai atu o ‘outou mata i o ‘outou a‘oa‘o.

Auā e nonofo le nu‘u i Siona i Ierusalema; ‘e te lē toe tagi lava e matuā alofa o ia ‘iā te oe pe a ē ‘alaga atu; e fa‘afofoga o ia, ‘ona tali atu ai lea o ia ‘iā te oe.

O lo‘o fetalai mai le ALI‘I: ‘Oi talofa i le fānau e fouvale, o ē faia a latou pule, ‘ae lē fua mai ‘iā te a‘u; ‘ua latou sasa‘a fo‘i le taulaga i mea e inu, ‘ae lē fua mai i lo‘u Agaga; ‘ina ‘ia latou fa‘aopoopo le agasala i le agasala.