Popular Bible Verses from Isaia 26

Share

‘E te leoleoina ‘ia fīfīlemū lava lē ‘ua mausalī lona loto; auā ‘ua ia fa‘atuatua ‘iā te oe.

‘Inā fa‘atuatua ia ‘outou i le ALI‘I e fa‘avavau lava; auā o le ALI‘I, o le papa e fa‘avavau ia.

‘Ua mana‘o lo‘u loto ‘iā te oe i le po; e moni, e ala sā‘ili ‘iā te oe lo‘u agaga i totonu ‘iā te a‘u. Auā e a‘oa‘oina ē o nonofo i le atu laulau, pe a faia au fa‘amasinoga i le lalolagi.

Le ALI‘I e, ‘e te tu‘uina mai le manuia ‘iā te i matou; auā fo‘i ‘ua e faia mo i matou a matou galuega uma.

E moni, le ALI‘I e, ‘ua matou fa‘atalitali ‘iā te oe i le ala o au fa‘amasinoga. O le mana‘o o matou loto o lo‘o i ai lea i lou suafa ma le fa‘amanatuga ‘iā te oe.

‘Ua laugatasi le ala o lē ‘ua amiotonu; o oe na lē amiotonu, ‘ua e fa‘alauleleiina le ala o lē ‘ua amiotonu.

Auā ‘ua ia lafotūina i lalo ē sa nonofo i le mea maualuga; o le ‘a‘ai sa maualuga ‘ua fa‘amaulaloina e ia. ‘Ua fa‘amaulaloina ‘ua o‘o i le ‘ele‘ele, ‘ua fa‘agatasia ma le efuefu.

‘Inā tō mai ia e ‘outou o puipui, ‘ina ‘ia ulufale mai ai le nu‘u amiotonu o ē tausi le mea moni.