Popular Bible Verses from Isaia 2

Share

O ‘outou na, sōia le fa‘atuatua i tagata, o i ai lona mānava i ona pogaiisu; auā se a le mea e manatua ai o ia?

E ō mai lava nu‘u e tele, ma latou fa‘apea ane, “Ō mai ia, tatou ō a‘e ia i le mauga o le ALI‘I, o le fale o le Atua o Iakopo. E a‘oa‘o mai fo‘i e ia ‘iā te i tatou i ona ala, ‘ona tatou sāvavali ai lea i ona ala.” Auā e alu atu le tulafono a‘i Siona, o le afioga fo‘i a le ALI‘I a‘i Ierusalema.

O aso e gata ai, e o‘o ‘ina fa‘atumauina ai o le mauga o i ai le fale o le ALI‘I i tumutumu ō atu mauga, e fa‘amaualugaina fo‘i e sili i mauga, ‘ona gasolo ane ai lea o nu‘u uma i ai.