Popular Bible Verses from Eperu 5

Share

A o mea ‘a‘ano mā ē matutua ia, o i latou ‘ua masani ‘ona lagona ‘ina ‘ua a‘oa‘oso‘oina e iloa ai le lelei ma le leaga.

Auā fo‘i ‘ana fai ‘outou ma a‘oa‘o po ‘ua tatau ai ‘ina ‘ua leva, ‘ae ao ‘ina toe a‘oa‘oina ‘outou e se tasi i matā‘upu muamua o le afioga a le Atua; ‘ua ‘avea fo‘i ‘outou ma ē o tusa i ai i le suāsusu, ‘ae lē o mea ‘a‘ano. Auā o i latou uma ‘ua fa‘asusuina i le suāsusu, e lē atamamai i latou i le ‘upu o le amiotonu; auā o tama meamea i latou.

E ui lava o ia o le Alo, a o mea sa tigā ai o ia na a‘oa‘oina ai o ia ‘ia usiusita‘i. ‘Ua fa‘a‘ato‘atoaina fo‘i o ia, ‘ona ‘avea ai lea o ia ma tupuga, o le ola e fa‘avavau ‘iā i latou uma o ē usiusita‘i ‘iā te ia.

O ia lenei sa tatalo atu i ona po na tino tagata mai ai, ma ‘ai‘oi atu ma le tagi tele ma loimata i le na mafaia ‘ona fa‘aola ‘iā te ia nai le oti, na fa‘afofogaina fo‘i o ia ‘ona o lona migao.