Popular Bible Verses from Eperu 2

Share

Auā na tigāina o ia ‘ina o fa‘aosoosoina, o le mea, lea ‘ua mafai ai e ia ‘ona fesoasoani i ē ‘ua fa‘aosoosoina.

O lenei, ‘ina ‘ua i ai i le fānau le tino tagata ola, na fa‘apea fo‘i ‘ona ‘ua i ai ‘iā te ia, ‘ina ‘ia fa‘aumatia e ia i lona maliu o lē ‘ua i ai le mālō e oti ai, o le tiapolo lea

O le mea lea e tatau ‘ona atili ai ‘ona tatou naunau i mea ‘ua tatou fa‘alogologo i ai, ne‘i te‘a ‘ese i tatou ma ia mea.

O le mea lea ‘ua tatau ai ‘ina ‘ia ‘avea o ia ‘ia fa‘apei o ona uso i mea uma lava ‘ina ‘ia faia o ia ma ositaulaga sili e alofa ma fa‘amaoni i mea a le Atua, ‘ina ‘ia faia e ia se togiola mo agasala a le nu‘u.

A ‘ua tatou iloa o Iesu o lē na fa‘amaulaloina teisi i agelu, ‘ua fa‘apaleina i le mamalu ma le vi‘iga, ‘ona o le tigā o le oti, ‘ina ‘ia o‘o ‘iā te ia le oti ‘ona o tagata uma i le alofa tunoa o le Atua.