Popular Bible Verses from Kenese 45

Share

O lenei, ‘aua ne‘i tigā ‘outou, pe fai ma mea leaga i o ‘outou manatu ‘ina ‘ua ‘outou fa‘atau mai ‘iā te a‘u i le mea nei; auā na ‘auina mai a‘u e le Atua e muamua ‘iā te ‘outou e fai ma fa‘aola

O lenei, e lē o ‘outou na ‘auina mai a‘u ‘i‘inei, a o le Atua; ‘ua ia fai fo‘i a‘u ma tamā o Farao ma ali‘i i lona ‘āiga lima ma pule i le nu‘u uma o Aikupito.

Na ‘auina mai fo‘i a‘u e le Atua e muamua ‘iā te ‘outou e fa‘asaoina ‘outou i le lalolagi, e fa‘aola fo‘i ‘iā te ‘outou i le fa‘aolataga tele.

‘Ona fai atu ai lea o Iosefa i ona uso: “‘Inā sōsō mai ia ‘iā te a‘u.” ‘Ona latou sōsō mai ai lea. ‘Ona fai atu ai lea o ia, “O a‘u o lo ‘outou uso o Iosefa, na ‘outou fa‘atau mai i Aikupito.

auā o ia tausaga e lua ‘ua i ai le oge i le nu‘u, o lo‘o totoe fo‘i tausaga e lima e lē i ai se galuega i le suasolo po o se seleselegāsaito.

‘Ua fai atu Iosefa i ona uso, “O a‘u o Iosefa, o ola mai pea ‘ea lo‘u tamā?” ‘Ona lē mafai ai lea e ona uso ‘ona tali mai ‘iā te ia; auā ‘ua matuā atuatuvale i ona luma.