Popular Bible Verses from Teuteronome 30

Share

‘Ou te vala‘au i le lagi ma le lalolagi i le aso nei e fai ma molimau ‘iā te ‘outou, ‘ua ‘ou tu‘uina atu i ou luma o le ola ma le oti, o le manuia ma le malaia; o lenei, ‘ia e filifili i le ola, ‘ina ‘ia ola ai oe ‘atoa ma lau fānau; ma ‘ia e alofa atu i le ALI‘I lou Atua, ma e fa‘alogo i lona si‘ufofoga, ma ‘ia e pipi‘i atu ‘iā te ia; auā o lou ola ia, ma lē na te fa‘afualoaina ou aso; ‘ina ‘ia e mau i le lau‘ele‘ele sa tautō ai le ALI‘I i ou tamā, o Aperaamo, ma Isaako, ma Iakopo, e foa‘iina atu ‘iā te i latou.

i la‘u e fai atu ai ‘iā te oe i le aso nei, ‘ina ‘ia e alofa atu i le ALI‘I lou Atua, ma e savali i ona ala, ma e tausi i ana poloa‘iga, ma ana tulafono, ma ana fa‘amasinoga, ‘ina ‘ia e ola ai, ma ia fa‘ato‘ateleina ai; e fa‘amanuia fo‘i e le ALI‘I lou Atua ‘iā te oe i le nu‘u ‘e te alu i ai e fai mou.

Fa‘auta mai, na ‘ou tu‘uina atu i ou luma i le aso nei o le ola ma le manuia, o le oti fo‘i ma le malaia

‘Ae matuā lata mai lava le ‘upu ‘iā te oe, o i lou gutu, ma lou loto, ‘ina ‘ia e faia.

E fa‘aperitomeina fo‘i e le ALI‘I lou Atua o lou loto, ma loto o lau fānau, ‘ina ‘ia e alofa atu i le ALI‘I lou Atua ma lou loto ‘atoa, ma lou agaga ‘atoa, ‘ina ‘ia e ola ai.

E fa‘ateleina fo‘i e le ALI‘I lou Atua ‘iā te oe i mea uma lava e faia i ou lima, o lau fānau, ma fānau a au manu vaefā, ma fua o lou lau‘ele‘ele, ‘ia lelei ai; auā e toe fiafia le ALI‘I ‘iā te oe ‘ina ‘ia lelei ai, e pei ‘ona ia fiafia i ou tamā

‘Ae ‘āfai e liliu ‘ese lou loto, ma e lē fa‘alogo, ‘ae tōsina oe, ma e ifo atu i atua ‘ese, ma ‘au‘auna i ai, ‘ou te fa‘ailoa atu ‘iā te ‘outou i le aso nei, e matuā fa‘aumatia ‘outou, e lē nofo tulu‘i ‘outou i le lau‘ele‘ele ‘e te sopo‘ia atu ai Ioritana, ma alu i ai e fai mou.

Auā o lenei poloa‘iga ‘ou te fai atu ai ‘iā te oe i le aso nei, e lē faigatā ‘iā te oe, e lē mamao fo‘i ia.

“E lē o i le lagi ia, ‘ina ‘ia e fa‘apea ane, o ai sē alu a‘e i le lagi mo i tatou, e ‘aumai ai ‘iā te i tatou, ‘ina ‘ia tatou fa‘alogo i ai, ma ia tatou faia?”

E lē o i tala atu o le sami ia, ‘ina ‘ia e fa‘apea ane, “O ai se sopo‘ia atu le sami mo i tatou, e ‘aumai ai ‘iā te i tatou, ‘ina ‘ia tatou fa‘alogo i ai, ma ‘ia tatou faia?”