Popular Bible Verses from Teuteronome 28

Share

‘Āfai fo‘i ‘e te matuā fa‘alogo i le si‘ufofoga o le ALI‘I lou Atua, e ‘ana‘ana e fai ana poloa‘iga uma lava ‘ou te fai atu ai ‘iā te oe i le aso nei, ‘ona fa‘asilisiliina lea o oe e le ALI‘I lou Atua i nu‘u uma lava o le lalolagi

e maua fo‘i e oe o nei mea uma e manuia ai; e o‘o lava ia ‘iā te oe, pe ‘āfai ‘e te fa‘alogo i le si‘ufofoga o le ALI‘I lou Atua

E fai fo‘i oe e le ALI‘I ma ulu, ‘ae lē fai ma i‘u; ‘e te aupitoaluga lava, ‘ae te lē laulalo; pe ‘āfai ‘e te fa‘alogo i poloa‘iga a le ALI‘I lou Atua, ‘ou te fai atu ai ‘iā te oe i le aso nei, e tausi i ai, ma e faia

E tatala mai e le ALI‘I lana tu‘ugā‘oloa lelei ma oe, o le lagi lea, e foa‘iina mai ai o le timu i lou nu‘u i ona po e tatau ai, a fa‘amanuia ai fo‘i mea uma ‘e te faia i ou lima; ‘e te avatu mea i nu‘u e tele, a ‘e te lē nonō atu.

E tu‘uina mai e le ALI‘I o ē ita ‘iā te oe o ē laga mai ‘iā te oe ‘ia fasia i ou luma; o le ala e fasi e ō mai ai i latou ‘iā te oe, a o ala e fitu e sōsōla atu ai i latou i ou luma.

E pule le ALI‘I ia manuia oe i ou fale saito, ma mea uma lava e tago i ai ou lima; na te fa‘amanuia fo‘i ‘iā te oe i le nu‘u ‘ua foa‘iina mai e le ALI‘I lou Atua ‘iā te oe.

E manuia oe pe a e sau, e manuia fo‘i oe pe a e alu atu.

E manuia oe i le ‘a‘ai, e manuia oe i le fanua.

E manuia oe i lau fānau, ma le fua o lou lau‘ele‘ele, ma fānau a au manu vaefā, o tama a au povi, ma ou lafu mamoe.

E fai fo‘i oe e le ALI‘I ma nu‘u pa‘ia mo ia, e pei ‘ona tautō mai o ia ‘iā te oe, pe ‘āfai ‘e te tausiusi i poloa‘iga a le ALI‘I lou Atua, ma e savali i ona ala.

E manuia lau ‘ato, ‘atoa ma lau mea e palu ai falaoa.

E fa‘ateleina e le ALI‘I o mea lelei ‘iā te oe, o lau fānau, ma fānau a au manu vaefā, ma le fua o lou lau‘ele‘ele i le lau‘ele‘ele na tautō ai le ALI‘I i ou tamā na te foa‘iina mai ‘iā te oe.

‘Ona iloa ai lea e nu‘u uma o le lalolagi ‘ua fa‘aigoaina oe i le suafa o le ALI‘I; ‘ona matata‘u ai lea o i latou ‘iā te oe.

‘aua fo‘i ‘e te alu ‘ese i ‘upu uma ‘ou te fai atu ai ‘iā te ‘outou i le aso nei, i le itū taumatau, po o le itū tauagavale, e mulimuli atu ai i atua ‘ese, ma ‘au‘auna i ai.

‘Ae ‘āfai ‘e te lē fa‘alogo i le si‘ufofoga o le ALI‘I lou Atua, e ‘ana‘ana e fai ana poloa‘iga uma ma ana tulafono ‘ou te fai atu ai ‘iā te oe i le aso nei; ‘ona maua mai ai lea e oe i nei malaia uma, e o‘o lava ia ‘iā te oe.