Popular Bible Verses from Teuteronome 11

Share

‘Ia ‘outou a‘oa‘o atu ai ‘iā ‘outou fānau, ma tautalatala a‘i pe a e nofo i lou fale, pe a e savali fo‘i i le ala, pe a e ta‘oto, pe a e tula‘i fo‘i.

O lenei, ‘ia ‘outou tu‘u nei ‘upu i o ‘outou loto ma o ‘outou manatu, ‘ia fusi fo‘i e fai ma fa‘ailoga i o ‘outou lima, e ‘avea fo‘i ma pale i le vā o ‘outou mata.

‘Āfai fo‘i tou te matuā fa‘alogo i a‘u poloa‘iga ‘ou te fai atu ai ‘iā te ‘outou i le aso nei, ia ‘outou alofa atu i le ALI‘I lo ‘outou Atua, ma ‘au‘auna ‘iā te ia ma o ‘outou loto ‘atoa ma o ‘outou agaga ‘atoa, ‘ona ‘ou foa‘iina atu lea o le timu i lo ‘outou nu‘u i ona tausaga, o le timuga muamua ma le timuga mulimuli, ‘e te fa‘apotopoto ai fo‘i lau saito, ma lau uaina, ma lau suāu‘u.

O lenei, ‘ia e alofa atu i le ALI‘I lou Atua, ma ‘ia e tausiusi i ana sauniga, ma ana tulafono, ma ana fa‘amasinoga, ma ana poloa‘iga i aso uma lava.

Fa‘auta mai, ‘ou te tu‘uina atu i o ‘outou luma i le aso nei le manuia ma le malaia; o le manuia pe ‘āfai tou te fa‘alogo i poloa‘iga a le ALI‘I lo ‘outou Atua, ‘ou te fai atu ai ‘iā te ‘outou i le aso nei; a o le malaia pe ‘āfai tou te lē fa‘alogo i poloa‘iga a le ALI‘I lo ‘outou Atua, ‘ae ō ‘ese i le ala ‘ou te fai atu ai ‘iā te ‘outou i le aso nei, tou te mulimuli ai i atua ‘ese ‘ua ‘outou lē iloa.

‘Ia e tusi ai fo‘i i pou o lou fale ‘atoa ma puipui; ‘ina ‘ia fa‘ateleina ai o ‘outou aso ma aso o a ‘outou fānau i le lau‘ele‘ele na tautō ai le ALI‘I i o ‘outou tamā, e avatu ‘iā te i latou, ‘ia pei o aso e i ai le lagi i luga o le lalolagi.

‘Ia ‘outou, ne‘i pelogia o ‘outou loto, tou te ō ‘ese ai ma ‘au‘auna i atua ‘ese, ma ifo i ai