Popular Bible Verses from Kolose 1

Share

O ia ‘ua na lavea‘i mai ‘iā te i tatou nai le pule a le pouliuli, a ‘ua na ‘aumaia i tatou i le mālō o lona lava Alo pele.

auā na faia e ia o mea uma lava, o mea i le lagi ma mea i le lalolagi, o mea e va‘aia ma mea e lē o va‘aia, o nofoāli‘i, ma ali‘i ma ali‘i sili, ma faipule; na faia e ia mea uma lava, na faia fo‘i mo ia.

O ia fo‘i o le ulua‘i o mea uma lava, o lo‘o fa‘atumauina fo‘i mea uma lava ‘iā te ia.

O ia o le fa‘atusa o le Atua e lē va‘aia, o le ulumatua o mea uma lava ‘ua faia

O le mea lea o i mā‘ua fo‘i ma te le‘i mapu ai lava i le tatalo mo ‘outou, talu le aso na mā fa‘alogologo ai, ma te ‘ai‘oi atu fo‘i ‘ina ‘ia ‘ato‘atoa ‘ona ‘outou iloa lelei o lona finagalo, i le poto uma ‘atoa ma le mafaufau fa‘aleagaga; ‘ia ‘outou sāvavali e tusa ma le Ali‘i, ‘ina ‘ia fiafia mai o ia ‘iā te ‘outou i mea uma, ‘ina ‘ia ‘outou fua mai galuega lelei uma lava, ma ‘ia tupu pea lo ‘outou iloa lelei o le Atua.