Popular Bible Verses from 2 Tupu 5

Share

O Naamanu le ali‘i e pule i ‘au a le tupu o Suria, o le tagata aogā ia i lona ali‘i, ma le ta‘ua lava, auā o ia na o‘o mai ai le manuia mai le ALI‘I i Suria; o ia fo‘i o le toa malosi, a o le lepela ia.

‘Ona ‘auina atu lea e Elisaia o le ‘au‘auna ‘iā te ia, ‘ua fa‘apea atu, “‘Inā alu ia, ‘inā tā‘ele fa‘afitu i Ioritana, ‘ona toe fo‘i mai ai lea o lou tino tuai ‘iā te oe, ‘ona e mamā ai lea.”

‘Ona alu ifo ai lea o ia, ‘ua fufui fa‘afitu i Ioritana, e tusa ma le ‘upu a le tagata o le Atua, ‘ona fo‘i mai ai lea o lona tino tuai pei o le tino o le tamaitiiti, ‘ua mamā fo‘i ia.

‘Ona ita lava lea o Naamanu ma alu ‘ese, ‘ua fa‘apea ane, “Fa‘auta, na ‘ou fa‘apea, e sau lava ia i fafo ma tu mai ma vala‘au i le suafa o le ALI‘I lona Atua, ma tālo lona lima i le mea ‘ua i ai le ma‘i e fa‘ate‘a ai i le lepela.

A ‘ua fa‘alatalata ane ana ‘au‘auna, ‘ua fai ane ‘iā te ia, ‘ua fa‘apea ane, “Sena e, ana fai atu e le perofeta se mea tele ‘iā te oe, ‘e te lē faia ‘ea? A o lenei, ‘e te lē faia ‘ea ‘ina ‘ua ia fai atu ‘iā te oe, ‘‘E te tā‘ele, ‘e te mamā ai?’”

‘Ua fai atu ia i lona matai tama‘ita‘i, “Se anoa! ana i ai lo‘u ali‘i le perofeta o i Samaria, po ‘ua fa‘ate‘aina e ia lona lepela.”