Popular Bible Verses from 2 Korinito 9

Share

E mafai fo‘i e le Atua ‘ona fa‘afaula‘i ‘iā te ‘outou o mea alofa uma; o lo‘o fa‘alavaina i aso uma o mea uma ‘iā te ‘outou i mea uma lava, ‘ina ‘ia faula‘i ‘iā te ‘outou o galuega lelei uma.

‘Ia ta‘ito‘atasi ma foa‘i e pei ‘ona filifili i lona loto; ‘aua ma le tigā, ‘aua fo‘i ma le fa‘atauānauina; auā e alofa le Atua i lē ‘ua foa‘i ma le loto malie.

A o la‘u lenei e fai atu, o lē ‘ua itiiti ana saito e lūlū, e itiiti fo‘i ana e selesele mai; a o lē ‘ua tele ana e lūlū, e tele fo‘i ana e selesele mai.

O lenei, o lē ‘ua foa‘i tele mai fatu saito i lē ‘ua lūlū ai, ma le areto e ‘ai ai, o lē a ‘ia foa‘i tele mai lava a ‘outou saito e lūlū ai o le a fa‘ateleina fo‘i e ia le fua o la ‘outou amiotonu. O le a fa‘atamao‘āigaina ‘outou i mea uma lava, e i‘u ai i le matamau uma, e tupu ai le fa‘afetai i le Atua ‘ona o i matou.

Fa‘afetai i le Atua i lana mea foa‘i fua e lē mafa‘amatalaina.