Popular Bible Verses from 1 Peteru 1

Share

‘Ia fa‘afetaia le Atua, le Tamā o lo tatou Ali‘i o Iesu Keriso, o lē na fānaufouina i tatou ‘ona o lona alofa tele, ‘ina ‘ia i‘u i le fa‘amoemoe ‘ua ola, i le toetū mai o Iesu Keriso nai ē ‘ua oti. ‘Ia i‘u i le tofi e lē pala, e leai se leaga o i ai, e lē mamae lava, o lo‘o teu i le lagi mo i ‘outou.

O lea ‘ua ‘outou ‘oli‘oli ai, ē ui lava ‘ina fa‘anoanoa o ‘outou i nai aso nei, i tofotofoga ‘ese‘ese. O le tofotofo fo‘i o lo ‘outou fa‘atuatua, e silisili ‘ona aogā i le auro e fa‘aumatia, e ui lava ‘ina tofotofoina i le afi, e ‘avea ma mea e i‘u i le vi‘iga, ma le mamalu, ma le manuia pe a fa‘aalia mai Iesu Keriso.

‘Ae pei ‘ona pa‘ia o ia na vala‘auina ‘outou, ‘ia fa‘apea fo‘i ‘outou ‘ona pa‘ia ‘iā ‘outou amio uma. Auā ‘ua tusia, “‘Ia pa‘ia ‘outou, auā o a‘u nei e pa‘ia lava a‘u.”

‘Ia pei o fānau gaua‘i, ‘aua ne‘i fa‘atusaina ‘outou e ‘outou i o ‘outou tu‘inanau tuai, a o vālea ‘outou.

O lenei, ‘ia ‘outou fusi a‘e i sulugātiti o ‘outou mafaufau ‘ia fa‘autauta, ‘ia ‘ato‘atoa ‘ona fa‘amoemoe, i le alofa tunoa e molia mai ‘iā te ‘outou pe a fa‘aalia mai Iesu Keriso.

Auā, “O tagata uma lava e tusa ia ma le mutia, o le matagofie uma fo‘i o tagata e pei o le fuga o le vao. E magumagu le mutia, e to‘ulu fo‘i ona fuga. a o le afioga a le Ali‘i e tumau lea e fa‘avavau lava.” O le afioga fo‘i lea ‘ua folafolaina atu ‘iā te ‘outou na.