Popular Bible Verses from 1 Korinito 6

Share

Tou te lē iloa ‘ea, o lo ‘outou tino o le malumalu lea o le Agaga Pa‘ia ‘ua i totonu ‘iā te ‘outou, o lo‘o ‘ua ‘iā te ‘outou mai le Atua, e le ‘aiā fo‘i ‘outou ‘iā te ‘outou? Auā ‘ua fa‘atauina ‘outou i le tau; o lenei, ‘ia ‘outou vivi‘i atu i le Atua i o ‘outou tino ma o ‘outou agaga, o mea a le Atua ia.

Tou te lē iloa ‘ea o ē amio leaga, e lē fai mo latou tofi le mālō o le Atua? ‘Aua ne‘i fa‘asesēina ‘outou; o ē faita‘aga, ma ē ifo i tupua, ma ē mulilulua, ma ē tauātane, ma ē fa‘asotoma, ma ē gaoi, ma ē matape‘ape‘a, ma ē ‘onā, ma ē agatele, ma ē fao mea, e lē fai mo latou tofi le mālō o le Atua.

‘Inā sōsōla ‘ese ia ‘outou i le faita‘aga. ‘Ua auliuligia le tino i nisi agasala uma e faia e tagata; a o lē faita‘aga, e agasala ia i lona lava tino.

“‘Ua tataga mea uma ‘iā te a‘u,” a ‘ua lē aogā mea uma. “‘Ua tataga mea uma ‘iā te a‘u,” a o a‘u, e lē fa‘ato‘ilaloina a‘u i se tasi mea.

A o le Atua ‘ua na toe fa‘atūina le Ali‘i, na te toe fa‘atūina fo‘i i tatou i lona lava mana.