Popular Bible Verses from Jir. 1

Share

Yus atumíin tí peṉker awajsatniun naṉkama asa núnisaṉ Jesukrístu táatsa̱i̱ṉ tuke shiir awajtamki̱ nekas péṉker najatmattarme. Nuka ti nekasaiti.

Yusan áujeakun anearmena nú naṉkaamas aneak tusan seatjarme. Tura núja̱i̱sha ti neka ajasrum ashí péṉkera nu achikiuk tusan Yusan áujtajrume. Atumín nu túrunamtaiṉkia yamaisha tunaaja̱i̱nchu pujustatrume tura Kristu támatai sumamashtatrume.

Wíji̱a̱i̱ṉkia ju̱ nuṉkanam iwiaaku pujakun aya Krístunak enentáimtakun pujajai. Tura jákatniusha ju̱i̱ pujajnia nuna naṉkaamas péṉkeraiti.

Ashí tsawant atumín enentáimtakun Yusan tuke shiir yúmiṉkiajai.

Kristu chichame̱ tí peṉker asamtai atumsha aya péṉkera nuke túratarum. Wi atumji̱a̱i̱ pujaknasha tura yajá pujaknasha átum ti shiir túrarmena nuna antuktinian wakerajai. Ashí shuar uwempratin chichaman nekaawar umirkarat tusarum chikichik enentáiji̱a̱i̱ kakaram ajastarum.

Nekas ju̱na wakerajai, natsaamtsuk akupniun Jesukrístunun paant ujakártinian wakerajai. Nuja̱i̱ winí̱ Kristu kakarmari̱ pujamu ti paant nekanattawai. Mántuiniakuisha tura mántuiniachkuisha ashamatsjai. Aya Kristu kakarmari̱n winia aya̱shrui̱ naṉkaamas nekaawarat tusan wakerajai.

Krístunu asarum Ni nekas enentáimtustinniasha tura Niniu asarum wáitsatniusha Yus anenma asa tsaṉkatramkaitrume.