Popular Bible Verses from Wek. 21

Share

Nuya̱ṉka Uunt Yus Muisaisan chicharuk “Yaṉkú jiruja̱i̱ najamin napi nakumkam najanam numiniam awajaitia. Tura yaaksha napi esaimiu nu napin iis iwiaaku pujuttawai” tímiayi.

Tutai Muisais yaṉkú jiruja̱i̱ napin najana numiji̱a̱i̱ weak awajaimiayi. Tura aents napi esaimiuka nuna iisar péṉker ajarmiayi.

Nuya̱ṉka Israer shuarka Muisaisan tura Yusnasha kajerkar chicharainiak “¿Urukamtai Ejiptu nuṉkanmaya̱sha ju̱i̱ kampuntin atsú nuṉkanam kaji̱nkiarat tusarmesha jukartukmiarum? Warí, yurumkasha tura umartincha peṉké atsawai. Aya imiancha yurumkak yuu yuu nakitkíji” tiármiayi.

Nuna tuíniakui Uunt Yuska najamin napin Israer shuaran akuptúrarmiayi. Tura nu napi esaim Israer shuarka untsurí kajinkiarmiayi.

Túmainiak Israer shuarka Muisaisan weriar chicharainiak “Iisha amiin tura Uunt Yussha yajauch chicharka asar tunáa túraitji. Túmaitkiuisha napi iiniya̱ṉka meṉkaarat tusam Uunt Yus seatá” tuíniakui Muisais Uunt Yusan seamiayi.