Popular Bible Verses from Mar. 4

Share

Tutai Jesus nantaki̱ nasen kakanteak “Takamatsata” tura entsanka chicharuk “Miyaaku ajasta” tímiayi. Tutai nasesha meṉkakamiayi, entsasha miyaaku ajasmiayi. Túrunamtai Jesus ni unuiniamuri̱n chicharainiak “¿Urukamtai ashamarum? Túkek Yuska nekas enentáimtatsrum” tímiayi.

Tura imiá ashamainiak “¿Maa ju̱sha yait? Nasesha entsasha nin umirainiatsuk” tunaiyarmiayi.

Túmai̱ṉ Jesuska kanú seṉkari̱n atamprus kanúu tepemiayi. Tura ni unuiniamuri̱ Jesusan ishintiak “Uuntá ii waya̱jnia ju̱ka pachikratsumek” tiármiayi.

Tura ju̱nasha chichaak “Ántarmena nu esetrarum enentáimtustarum. Átum nekapmarmena nu nekapkaja̱i̱ṉᵏⁱ atumniaka íniaṉkasaṉ nekapmatmattarme.

Nuyá̱ Jesus chichaak “Yusa akupeamuri̱ jú̱nisaiti. Shuar araka araana núnisaiti. Arakmak núkap tsawantcha káshisha urukanpiai tusa nákawai. Tura itiura tsapainia núnaka nékatsui.

Kuíshim ákuiṉkia antuktarum.”