Popular Bible Verses from Mat. 2

Share

Je̱á̱ waya̱war uchincha ni nukurí̱ Mariji̱a̱i̱ wáinkiarmiayi. Tura uchin tikishmátrarmiayi. Nuyá̱ ni eṉketái̱ri̱ya̱n jusa kurincha, mira kuṉkuinniasha, chíkich kuṉkuinniasha súsarmiayi.

Jutá nuṉkanam Piriṉnum nui̱ Jesus akiiniamiayi. Nui̱sha nú nuṉka akupniúri̱ Irutisauyayi. Akiiniamtai ti neka apach etsa̱ tatainmaani̱ya̱ Jerusaréṉnum táarmiayi. Taar inintruiniak “¿Israer shuara úunt akupniuri̱ tui̱ akiiniait? Etsa̱ tatainmaani̱ pujaati ni yaari̱ wainkiamji. Tura tikishmátratai tusar winiaji” tiármiayi.

Uunt akupin Irutis nuna tutai ti neka apach jíinkiarmatai yaan etsa̱ tatainmaani̱ pujuinia wáinkiarmia nú yaa tuke eem wémiayi. Tura yaan wáinkiar imiá naṉkaamas tí warasarmiayi. Tura nú yaa uchi pujumia nui̱ neka apachin ejeniarmiayi.

Nuyá̱ mesekranam Yus “Irutisai̱ni̱ waketkirap” tutai chíkich jintianmaani̱ waketkiarmiayi. Ti neka apach waketramtai Yusa suntari̱ Jusen mesekran ipiatkámiayi. “Nantakim uchi ni nukurí̱ji̱a̱i̱ Ejiptunam jukim pisarta túram nui̱ pujusta. Irutis uchin mátaj tusa e̱a̱ktatui. Tura ukunam aṉkant ajasmatai ujaktájme” tímiayi.