Popular Bible Verses from Mat. 15

Share

Antsu wenunmaya̱ jiinia nu enentáinmaya̱ jiiniu asa aentsun yajauch awajeawai. Ashí yajauch enentáimsatniuka enentáinmaya̱ jiiniainiawai, maṉkartuatniusha, chikicha nuwé̱ kasamkatniusha, tsanirmatniusha, kasamkatniusha, waitruatniusha, yajauch áujmatsatniusha.

Aents yúana nuka shuaran yajauch awajtsui. Antsu wenunmaya̱ jiinia nuka shuaran yajauch awajeawai” tímiayi.

‘Ju̱ aents ni wene̱ja̱i̱ shiir awajtuiniawai tura ni enentái̱ṉkia yajá enentáimiainiawai. Tura túkeneas shiir awajtuiniawai. Aentsu chichame̱n jintintiáiniayat Yusa Chichame̱nte tuíniawai.’”

Takui̱ Jesus chichaak “Makú, nekas Winia enentáimtursame. Ame wakeram núnisaṉ atí” tímiayi. Tura nu chichamaik ni nawantri̱ péṉker ajasmiayi.

Takui̱ nuwa̱ tikishmátar “Uuntá, waitnentrurta.” Tutai Jesus chichaak “¿Uchi apatkun yu pujá jurukir ya̱wá̱ susamniakait?” Tutai nuwa̱ chichaak “Nekas, Uuntá, tame. Tura ya̱wa̱sha ni aentsri̱ yurumáiniakui nuṉká iniaarun yuíniatsuk.”