Popular Bible Verses from San. 4

Share

Yusai̱ ikiumastarum tura íwianch taritratarum. Túrakrumin íwianch ikiurmáktiatui.

Yusai̱ni̱ weamkata tura Ni atumín wearmáktatrume. Tunáa shuartiram Kristu numpe̱ja̱i̱ nijiamartarum. Tura átum, Yussha tura ju̱ nuṉkanmaya̱sha mái̱ metek wakerarmena nu, atumí enentái̱ naka eseeratarum.

Yusja̱i̱ péejchach ajasta túrakmin shiir awajtámsattawai.

Tura anenma asa ti yáintmaji. Tuma asamtai Yus Chicham tawai “Kajemtinian Yus íistatui tura péejchachin Yus nin aneak ti shiir yáiṉtatui” tawai.

Shuar péṉker túratniun nékayat, túrachkuiṉkia, nuka tunaiti.

Tura seakrumsha yajauch searme. Atumí péṉkeri̱ji̱a̱i̱ warastin enentáimiu asarum searmena nusha wáintsurme.

Jú̱ nuṉkanmaya̱ wakerakum Yusa nemasri̱ji̱a̱i̱ tsanirma áintsaṉketrume. Atumsha nékatsrumek. Jú̱ nuṉkanmaya̱ṉ wakerakrikia Yusa nemasri̱ntji. Shuar ju̱ nuṉkanmaya̱ṉ wakerakka Yusa nemasri̱ ajawai.

Ishichkisha peṉké nékatsrume kashin átatna nu. Ju̱ nuṉkanam ii iwiaakmari̱ wárik amúatsuk. Yuraṉkim utsanar tura nantu sukuam mash wárik meṉkaatsuk. Núnisketji.