Popular Bible Verses from San. 1

Share

Yatsuru, ashí itiurchat wáinkiurmesha tuke warastarum. Iis, itiurchatnum pujakrum nekas Yus enentáimtaitkiurmeka katsuntratin unuimiártatrume.

Átum náṉkamsarmek nekaatin tujintiakrumka Yusa nekatairi̱ seatá. Shuar seakui Yuska kajetsuk tura ementutsuk antsu patatas suawai. Tuma asamtai seakminkia suramsattawai.

Tuma asamtai aneamu yatsuru, wárik chichakaip antsu antúu ajata. Núnisaṉ wárik kajekaip.

Tura tuke páchiachkuram tuke katsunteakrum nuikia Yusja̱i̱ tí peṉker katsua̱rtatrume. Peṉké atsumashtatrume.

Yus Chicham umikta. Aya ántukaip. Aya ántakmeka amek anaṉmamattame.

Shíiraiti shuar ni itiurchatri̱i̱n nekas katsunteana nuka. Nekapsam jíinkiuṉka akinkiatniun wainkiattawai. Iwiaaku átinian, tawasap achiktinia núnisaṉ wainkiattawai Yus ni aneam tsaṉkatka nuna.

Ashí péṉker ana nu, ashí shiir ana nusha nayaimpinmaya̱ Yusak amasuiti. Yus ashí tsáapninia nuna najanaiti. Tura Nin kiritin atsa̱i̱ṉ yapají̱tsuk tuke tsáapniti.

Shuar íspikia íimiak ni yapi̱n wapikian wainiak tura nuyá̱ jáupmitsuk we, ni urukuit nuna wárik kajinmátkishtimpiash. Shuar Yus Chicham umitsuk aya ántana nuka nuja̱i̱ métekete.

Nekas Yus Apa awajitsuk shiir umirkatin ju̱i̱ti, mitiaikiasha waje̱sha itiurchatnum pujuiniakuisha yáiṉtiniaiti tura ju̱ nuṉkanam ashí tunáa ana núja̱i̱sha máatrashtiniaiti.

Shuar tunáa túramnia nekapeakka “Yus nuna útsutrutui” tu enentáimprashtiniaiti. Yuska yajauch túramnia enentáimtsui túrasha Nisha peṉké chikichkinkesha tunaanum útsuchuiti. Antsu ni wakeramuri̱ji̱a̱i̱ṉ aents tunaan niṉki ikiatmamkaiti yajauch túratniun. Núja̱i̱ṉkia tunaanum útsukmaiti.

Yus shuar, ju̱ nuṉkanam kuítrincha ainia nu, Yus shiir awajsamua nuja̱i̱ warasti.