Popular Bible Verses from Isr. 12

Share

Ashí ju̱ nuṉkanam túrajnia nuka shuar nakuruiniak tsékena nuja̱i̱ nakumkamniaiti. Ashí shuar yaunchu Yusan shiir enentáimtusaruka téntakar íirmainiaji. Tuma asamtai ashí kijin ana nusha tura ashí yajauch túramu itit awajtamaj nusha ajapa iniaisar tura katsuntrar tsékeṉkir jeatái. Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Kame nekasaiti, ashí chicharnamu yamaikikia waraschamniaiti aya kúntuts enentáimtikramji. Tura jintintiakur chicharnákmaja̱i̱ ukunam péṉker pujutnum unuitiamji.

Kame tuke enentáimji̱a̱i̱ ashí shuar péṉker túrakrum itit awajnáitsuk tura tunaasha máattsuk aṉkant pujustinnium matsamsatarum. Kame núja̱i̱ṉchuka ii Uuntri̱ peṉké wainkiachminiaiti.

Yajauch shuar Jesusan wáitkiasarmia nu enentáimpratarum. Túrarum pimpitsuk katsuntratarum.

Yus iin akupkatniun tsaṉkatramaj nuka umuchnakchattawai. Tuma asamtai Yus yumiṉsatniuitji. Yus wakerana núnisrik wishiktsuk shiir enentáimtusar Yus shiir awajsatniuitji.

Tuma asamtai Yus ni uchirí̱a ánis chichartamkuisha katsuntratarum. Warí ashí apa ni uchirí̱n chicharkashtatuak.

Maa, ii Yusri̱ṉkia kajerkaṉka uunt jía nuke aesa mash emesramniaiti.

Ii aparí̱ ishichik ni enentái̱ji̱a̱i̱ wakeramun chichartamniuyaji. Antsu Yuska tí peṉker awajtámsataj tusa nekas atsumajnia nuja̱i̱ métek chichartamji.

Átumka yajauch túramuja̱i̱ mániakrumsha Jesus túramia áintsarum numpe̱msha puárchaitrume tura jákachuitrume. Nui̱sha katsuntrarum jeatniuitrume.