Popular Bible Verses from Jiin. 5

Share

Nuyá̱ ukunam Muisaissha ni yachi̱ Araunja̱i̱ úunt akupin Parauṉ pujamunam wéarmiayi. Tura chicharainiak “Uunt Yus Israer shuara Yusri̱ chichartamuk ‘Wí shuar kampuntin atsú nuṉkanam wéar Winia shiir awajtuiniak namperan najatruawarat wétinian tsaṉkatkarti’ túramui” tiármiayi.

Warí ame náarmin pachisan Parauṉkan chichastaj tusan tarimiajna ímianiaṉ ame shuarumin nu arant tí waitkiainiawai. Túruiniak amé shuarum aṉkant awajsachume” tímiayi.

Nu tutai Muisais Uunt Yusan chicharuk “Uuntá, ¿urukamtai ame shuarum wáitkiainiam túrasha urukamtai akuptúkmam?

Tutai Parauṉsha áimiuk “Uunt Yus tárumna nusha ¿yátsukait wi ni chichame̱n anturkan Israer shuaran wetarum tusa iniaitincha? Núnisaṉ Úunt Yusnasha wikia peṉké nékatsjai. Tuma asan Israer shuarnasha akuprashtatjai” tímiayi.

Núnisaṉ nuik je̱a̱ je̱a̱mtain nuwe̱ja̱i̱ najaniarma ímiatrusrumek ementsuk najanmamtikiatarum. Kame nakimiainiak ‘Weri ii Yusri̱ taṉku maar áestutai̱’ tusar kakaram chichamprumainiawai. Kame Israer shuarka takat núkap susarum tí kakaram takamtiksatarum. Wáitruiniak tuinia nu anturkairap” tímiayi.