Tura ekemátai̱ṉkia tuke kee pujut tusam uriwiu asuitiri̱ peṉké pachimprachma saaran itiarat tusam Israer shuar akupkarta. Túrawarmatai Yus Shiir Awajtai̱ Je̱e̱n Yus Aentsja̱i̱ Chícham Najanamu Eṉketai̱ pujamunam naka tarach ejamunam á̱a̱nini̱ Uunt Yus íimmianum jú̱ ki̱arai̱ṉ juarki̱ keá keakua tsawai̱t tusar Araun ni uchirí̱ji̱a̱i̱ nui̱ apujsartatui. Kame jú̱ akupkámuka iniaṉnatsuk umiktin asamtai Israera uchirí̱ṉkia yamaisha tura ukunmasha tuke túrin ártiniaiti” Uunt Yus tímiayi.