Popular Bible Verses from Muis. 6

Share

Ame Yúsrum nekas enentáimji̱a̱i̱ tura takamtsuk wakanmiji̱a̱i̱ núnismek ashí kakarmarmiji̱a̱i̱sha aneata.

Túram tuke tsawant akupkámu chicham ame je̱e̱min pujakmesha jintiá wekaakmesha kánakmesha káshik nantakmesha yawe̱tsuk ame uchiram jintintiáwarta.

Tura ju̱ chichaman yamái jintintiajmena nu péṉker enentáimtusam nekaata.

Wats Israertiram antuktarum. Ii Úunt Yusri̱ṉkia chikichkiti. Aya Níṉkiti Uunt Yus.

Ju̱ akupkámu ame nijia̱i̱mincha tura uwejmíncha áarar anujkamua nútiksam enentáimtusta.

Nútiksamek ame je̱e̱mi pauri̱ncha tura wáitiri̱ncha aartá.

Atumí Uunt Yusri̱ ashamakrum tikishmátratarum. Tura Niṉki umirkatarum. Tura ti nekas tajai tákurmesha aya ni náari̱ṉ pachisrum titiarum.

Tura Uunt Yus atumí we̱a̱trí̱n Aprajáman nuyá̱ Isakan núnisaṉ Jakupan ‘tí peṉker nuṉkan amastiniaitjiarme’ timia nui̱ ejetamtiniaitrume. Nú nuṉkanam uunt pepru ti shiir ainia nu atumsha takakmaschiatrum nérentin ajastatrume. Tura nu je̱a̱nmasha warinkish átum ikiuschamu irunainia nusha átum táurchamu yumirmat irunainiasha tura átum takakmaschamu uwa aja nuyá̱ asuiti jutai̱ árak arakmamu irunainia nu ashí nérentin ajasrum núkap yurumárum nútsuakrumsha, aneartarum. Atumín Ejiptunam takarin wait ajá pujuutirmin ji̱i̱rmakmiarum nú Uunt Yus kajinmátkirap.

Atumín jintintiáwarat tusa anaitiukuiti. Kame ju̱ nuṉkanam átum nupetmakrum jeattarmena nui̱ pujusrum atumí Uunt Yusri̱ asa umirtukat tusa tuke akupkámia nu ju̱i̱ti. Tura Uunt Yus atumí Yusri̱ ashí Ni akupkámu chichame̱n jintintiájrumna nu atumsha umíakrum atumí uchirí̱sha tiraṉki̱sha umiktin jintintiatarum. Kame untsurí tsawant iwiaaku pujustaj tákurmeka Yus ashamakrum umirkatarum.

Tura Uunt Yus íimmianum nekas péṉker tura naka nu túratarum. Túrakrumka péṉker pujustatrume. Núnisrumek Uunt Yus atumí úuntri̱n péṉker nuṉkan susattajai timia nui̱ jearmeka nu nuṉka ata̱i̱rum nérentin ajastatrume.

Warí atumí Uunt Yusri̱ atumji̱a̱i̱ pujana nuka akasmawiti tura kajekka ashí amutmakminiaitrume.

Tura atumji̱a̱i̱ ápatnik pujuinia nuna najankamu yusri̱ tikishmáttrairap.

Tuma asamtai Masá nuṉkanam itiurkamarumna nútiksarum atumí Uunt Yusri̱ ‘nekapsataj’ tiirap.