Popular Bible Verses from Muis. 4

Share

Túrasha nui̱ pujusrum atumí Yusri̱ Uunt Yus nekas enentáiji̱a̱i̱ tura ashí wakanmiji̱a̱i̱ e̱a̱krumka wainkiattarme.

Kame Uunt Yus atumí Yusri̱ṉkia ti waitnenkartiniaiti. Tuma asa ajapa iniaitiámsashtatrume. Núnisaṉ máshikia amutmakchattarme. Antsu atumí úuntri̱ji̱a̱i̱ nekas tajai tusa yaunchu chichaman najanamia nuna enentáimturtatui.

Kame atumí Uunt Yusri̱ṉkia akasmawiti tura áeskartua amukratin jiya núniniaiti.

Tura ju̱nasha tájame. Anearta. Amek esettsam íimiasam nekaamam ame enentáim péṉker wáinkiata. Ame iwiaaku pujuttam nuiṉkia ashí wáinkiaitmena nuka peṉké kajinmáttsuk nekas enentáimji̱a̱i̱ tuke enentáimtitia. Tura ame uchirmesha núnisaṉ tiraṉmisha jintintiáwarta.

Warí nayaimpinmasha tura chíkich nuṉkanmasha chíkichkia atsawai. Tuma asamtai yamaikia Uunt Yus nekaarum nekas enentáimtustarum.

Kame ii Uunt Yusri̱ iiji̱a̱i̱ pujá asa seamka tuke anturtamji. Túrasha ¿tu uunt naṉkamantu pépruk ni yusri̱ írunkusha anturkar yaiṉkiaruit?

Nuyá̱ ukunam ashí ju̱na tájarmena nu wáinkiuram tura ti waitsa pujakrum atumí Uunt Yusri̱ enentáimtustatrume. Túrakrum ni chichame̱ umirkattarme.

Tura ju̱ akupkámu chicham patatsuk núnisaṉ ementsuk atumí Uunt Yusri̱ akupkámu chichamja̱i̱ akupeajrumna nu umiktarum.