“Nuya̱ṉka kampuntin atsú nuṉkanam waketkiar Kapantin nayantsanmaani̱ wéarmiaji Uunt Yus timia núnisrik tura untsurí tsawant naintiar naintiar Sair nuṉka nui̱ wekasarmiaji. Tura Uunt Yus chichartak ‘Núkap tsawant ju̱ nuṉkanam yujasurme tuma asamtai yamaikia arakaani̱ wetarum. Atumí yachi̱ Esaú uchirí̱ Sáirnum matsatainia nuní̱ naṉkaamakrumin nu aentska atumniaka ashampramkattarme túrasha aneartarum. Mánaikiairap. Wikia ni nuṉke̱nka amaschattajrume. Warí Sair nuṉkanka Esaun súsaitjiai. Yurumkesha tura entsasha kuitji̱a̱i̱ sumaktatrume. Kame Uunt Yuska ashí átum túramunka yaintmakchakaitrum. Núnisaṉ atsunum wekasamurmincha nékawai. Ju̱ kuaraintia uwí naṉkaamasainia ju̱i̱sha Uunt Yus atumí Yusri̱ṉkia atumji̱a̱i̱ pujusuiti túrasha wariṉkish tátramsachuitrume’ túramprume.