Popular Bible Verses from Tan. 6

Share

Kame Taniarsha umiktin chicham najanar papí kuesmakman nekaamiayi. Tura ni je̱e̱n wayá̱ ni kanutairi̱n Jerusaréṉnumaani̱ áaṉkamun urái tikishmar ni Uunt Yusri̱n shiir enentáimtus yúmiṉkiak tuke túriniuya núnisaṉ chikichkí tsawantai̱ menaintiú seá wémiayi.

Winia Yusur ni suntari̱n akuptúrkai tura yajauch awajtúsara̱i̱ṉ tusa úunt ya̱wa̱ wene̱ncha epetkarai. Warí, Ni iismasha péṉkeraitjiai núnisaṉ uuntá, ámiji̱a̱i̱sha yajauchinkia peṉké túrachuitjiai” tímiayi.

Ashí nuṉka wi akupeamunmaṉka Taniara Yusri̱ ashamakrum Ni enentáimtustarum tusan umiktin chichaman nájanjai. Warí, Nisha tuke iwiaaku pujú Yusaiti. Tura peṉké náṉkatkachuiti. Núnisaṉ Ni akupeamuri̱sha emesnarchattawai tura amuukatin tsawanta tímianaisha tuke átatui. Warí, Niṉkia uwemtikiar aṉkant awajkartiniaiti. Nayaimpinmasha tura nuṉkasha aentsti túrachminia nuna iniakmawiti. Tuma asa Niṉki Taniarnasha úunt ya̱wa̱numia̱ uwemtikraiti” tu áatrarmai.

Nuiṉkia úunt akupin chichaak “Taniar itiatárum” tutai itiarmatai akupin Taniaran chicharuk “Ame Yúsrum tuke tsawant iniaitsuk enentáimtamna nu uwemtikramprati” tímiayi. Takui̱ úunt ya̱wa̱ matsamtai̱ wá̱a̱nam aju̱a̱warmiayi.