Popular Bible Verses from Tan. 12

Share

Núnisaṉ aents neka ainia nuka nayaimpiji̱a̱i̱ métek wínchar ajartatui. Tura untsurí aentsun péṉker túratniun jintintiáinia nuka yaaja̱i̱ métek tuke amutsuk keartatui.

Ántsaṉ ti untsurí jákarusha iwiarsamunmaya̱ nantakiartatui. Chíkichkia tuke iwiaaku pujustinian tura chíkichkia natsanmai̱ ajakar tuke wáitsatniunam wéartinian nantakiartiniaiti.

Nu tsawant jeamtai amé shuara wáinin Mikiair nayaimpinmaya̱ suntara uuntri̱ naṉkamantua nú tátatui. Nu tsawantai̱ṉkia yaunchu pujuarmia tímianaisha tura yamaiya̱ ju̱i̱sha tuma peṉké wáinchatai naṉkaamas wáitsatin átatui. Túrasha amé shuarka papinium ni naari̱ áatramu ainia nuka ashí uwemprartatui.

Kame untsurí aents nijiatkar imiatkincha puju awajsamu ártatui. Túrasha Yusan enentáimtichu ainia nuka yajauchin túruiniak peṉké nekaachartatui. Antsu neka ainia nuka nekaawartatui.