Popular Bible Verses from Tur. 2

Share

Tutai Pítrusha chichaak “Atumí tunaarí̱ ené enentáimia ajasjai tusarum Yus nekas enentáimtustarum. Tura ashí shuartiram Jesukrístu naari̱ pachisrum imiantiarum. Nuiṉkia atumí tunaari̱n Yus tsaṉkurtámprattarme. Túrunawakrumin Yuska ni Wakaní̱n suramsattarme.

Ashí nu shuar Jesusa akatrámuri̱ jintintiármia nuna tímiatrusaṉ antukarmiayi. Tura irunar shiir enentáimtunaisar yurumin ármiayi. Túrawar Kristu enentáimtustin namperi̱n najanin ármiayi. Túrawar Yusan áujiarmiayi.

Tuma asamtai Yusa Wakaní̱ ashí ni enentái̱n pimiutkarmiayi. Túram chichasarat tusa Yusa Wakaní̱ ni nekatairi̱ súsarmiayi. Tuma asamtai nuja̱i̱ nisha chíkich chichaman chichasarmiayi.

Tumai̱ aya aneachma nayaimpinmaya̱ násea áintsaṉ téter ajakí̱ winian antukarmiayi. Ashí mash je̱á̱ pujuarmia nuka antukarmiayi. Tura nui̱ pujuiniai̱ ji wajái̱ keá ániun wáinkiarmiayi. Túruna aṉkant aṉkant puunak tarurarmiayi. Tuma asamtai Yusa Wakaní̱ ashí ni enentái̱n pimiutkarmiayi. Túram chichasarat tusa Yusa Wakaní̱ ni nekatairi̱ súsarmiayi. Tuma asamtai nuja̱i̱ nisha chíkich chichaman chichasarmiayi.

Tuke tsawant Yusa Uunt Je̱e̱n kauniarmiayi. Tura ni je̱e̱ncha iruntrar warainiak Kristu enentáimtustin námper najanin ármiayi. Tura naṉkamantu enentáimtumatsuk yurumkan ajamnainiarmiayi. Túrawar Yuska tí uuntaiti tu wéarmiayi. Tura ashí aents Nin shiir enentáimtiarmiayi. Tura Uunt Yus tuke tsawant shuaran uwemtikiar Yus shuar írunmanum ikiauṉki̱ wémiayi.

‘Yus tawai “Jú̱ nuṉka amuukatin jeatémamtai winia Wakantrun yumi yaranua áintsaṉ ashí aentsnum akupkáttajai. Atumí uchirí̱ atumí nawantri̱sha Yusa Chichame̱n áujmatiartatui. Tura nátsaka íimiarartatui. Tura uuntka mesekramiartatui.

Krístun nekasaiti tu enentáimtuiniaka Niniu ajasár ashí métekrak pujuarmiayi. Tura ashí niniu armia nuna sunaisarmiayi. Ni nuṉke̱n surukar ni takakmari̱ncha surukar atsumainia nuna suármiayi.

Nuiṉkia ashí shuar nekas winia kakarmarun seana nuka uwemprartatui” tímiayi Yus.’ Núnis Juir áarmiayi” tímiayi Pítiur.

Tura etsa̱sha kajinkiattawai. Tura nantusha mushatmar numpa núniktatui. Uunt tsawantan achikmiajna nu jeatsa̱i̱ṉ túrunattawai. Nú tsawantcha imiá nekas uunt átatui.