Popular Bible Verses from 1 Kur. 5

Share

Antsu wi tájana nu ju̱i̱ti, shuar “Yus shuaraitjiai” tákunka tura tunáa túriniaitkuiṉkia niji̱a̱i̱ íischatniuitrume. Tsanirmasha, kuítian ikiauwincha, ántar yusan tikishmátniusha, tsanumniusha, nampencha, kasasha “Yus shuaraitjiai” tákuiṉkia íischatniuitrume. Tura peṉké niji̱a̱i̱ yurumáshtiniaitrume.

Tuma asamtai nu karía yajauch awajtámsa̱i̱j tusarum ukartarum. Núnisrum ju̱ tunaanumia̱ kanakrum péṉker átatrume. Yaunchu enentái karía núnis amuukatniuiti. Ashí yamarmak yuminia áintsaṉ ajasuitrume. Paṉ karin eṉketáchma enentáimpratai. Israer shuar Paskua nampernum aya paṉ karin eṉketáchman yuu áiniawai. Atumí tunaarí̱ atsakui atumsha nu námper paṉka áintsarum péṉker ajasuitrume. Paskua nampertincha Israer shuar murikiun main áiniawai. Núnisaṉ Kristu jaka ii murikri̱a áinis ajasuíti.

Yus shuarcha tunaarí̱ pachischatniuitjiai. Yus núnaka íistatui. Átumka antsu atumíin Yus shuar ainia nuna tunaarí̱ íistiniaitrume. Tuma asamtai nu shuar tunaarintin atumíiya̱ akankatarum.