Popular Bible Verses from 1 Kur. 15

Share

Nu asamtai aneamu yatsuru, pee anearum yawe̱tsuk nú nukap Yusa takatri̱ takastarum. Ii Uuntri̱ Krístuja̱i̱ tsaniṉkia takaarum nuka peṉké ántrachuiti. Nu paant nékarme.

Antsu yamaikia ii Uuntri̱ Jesukrístu túramuja̱i̱ jákatniunka Yus nupetrutmakuiti. Tura iincha nuja̱i̱ uwempratniun amaakui shiir yúmiṉkiaji.

Anaṉnawairap. “Péṉkeraitiatam yajauch shuarja̱i̱ tsaniṉkia wekaakmeka yajauch máatrattame” tiniu áiniawai.

Antsu Yus ti shiir waitnentak winia enentái̱rui̱ pujurtus péṉker najataiti. Nu asamtai winia kakarmarja̱i̱ takaschaitjiai antsu Yus waitnenkartin asa winia enentái̱rui̱ takaakui ashí ni akatrámuri̱n naṉkaamas takasuitjiai.

Jatái̱yá̱, ¿itiura yamaisha nupetmaktatam? Jatái̱yá̱, ijiukrati maṉkartutairmesha ¿tui̱ aa?” Yaunchu Yus akupkámu tiniu asamtai shuar umitsuk tunaan tura jákatniuiti.

Yaunchu u̱kma nu yamái nekaatarum. Ashí jákashtatji antsu ashí yapajniáttaji. Tura pusarⁱ muíttsarni̱ṉ ti wárik yapajniáttaji. Tura ashí iruntrarat tusa umpuartatui. Nú umpuamunmasha Yus shuar jákaru ainia nu káurchamnianum nantakiartatui. Iisha nuiṉ yapajniáttaji.

Yaunchu Ataṉ yajauch túramtai ashí shuar jákatin áiniawai. Núnisaṉ yamaikia Krístuja̱i̱ṉ tuke atakka jákashtinian nantakiartiniaiti. Iis, chikichik áishmaṉja̱i̱ṉ jákatin naṉkamnamiayi. Nuka Ataṉauyayi. Núnisaṉ chikichik áishmaṉja̱i̱ nantaktin naṉkamnamiayi. Nuka Krístuiti.

Jú̱ kautaiṉkia káushtai̱n entsanar jakamnia nusha jákachminian entsantratniuiti. Nu túrunamtaisha Yus Papinium aarma uminkiattawai “Jáchataiji̱a̱i̱ jatain Yus takamtsuk nupetak amukuiti.

Iis, jú̱nisaṉ átatui. Emka Yus Apa ashí ni nemasri̱n nupetak Krístun susattawai akupin atí tusa. Tura ni nemasri̱n nupetak ashí amúamunam jákatniuncha nupetkattawai.