Popular Bible Verses from Apocalipsis 5

Share

Llaudana sedallena, naimacɨ arpas taillanona, comue ruana rotɨmacɨ: O marena jira, o uai ite, naie rabe econollena. Ie nitaca rana oni suiñoitɨo. Jɨaɨno jaie ona meinetɨmacɨ. O fiodailla jira, o dɨaillamona, Jusiñamui dɨbeimo naga naɨraɨmona comɨnɨna itatatɨo. Naimacɨ jeacɨnomona jillotatɨo.

Ado llotɨmacɨ: Bie Toɨca Llauda isoidɨmɨe jaie fiodaite; ia jai jillode. Naimɨe eo mareuidɨmɨena jira, Jusiñamui ie uai naimɨemo jai illamona, Jusiñamui nana naimɨemo jai illamona, Jusiñamui naimɨena eo abɨna uiñotajamona, naimɨena jɨaɨ iobitaiacadɨcaɨ. Naimɨena caɨ ɨɨnuanona, naimɨemo iobillacɨnona fecaacadɨcaɨ.

Naimacɨna jai fetodɨo. O comɨnɨ naimacɨ illamona, Jusiñamui dɨga atona ñaɨcabitɨmacɨ. Naimɨe anamo jɨaɨruido enɨruemo ite comɨnɨna sedaitɨmacɨ. Ie jira naie rabena oni suiñoredɨo.

Iie facaise nana comɨnɨ, nana Jusiñamui comuitaga ra dɨga, lluana cacadɨcue. Monamo itɨno, enɨrue itɨno, jai fiodaitɨno, monaillaimo itɨno lluana cacadɨcue. Llotɨmacɨ: Jusiñamuina jaca caɨ iobicabillasa. Toɨca Llauda isoidɨmɨena jaca caɨ iobicabillasa. Iobillacɨnona jaca fecaacadɨcaɨ. Caɨna jaca sedallesa.

Naie facaise naie veinticuatro einamacɨmona damɨe cuemo llote: —Mai eeñeno. Judá naɨraɨ ie Leónna mamecɨredɨmɨedɨ iena econorede. Naimɨedɨ David mɨcorɨ comɨnɨ imɨe. Ie dɨbeimo iñedɨnona jai emodofilla jira, naimɨemo uai ite, naie siete nitaca rana oni suiñollena, naie rabena econollena.