Popular Bible Verses from Apocalipsis 14

Share

Iemei monamona Jusiñamui Joreño llote: —Biena cueno: “Biruimona Jesúna ɨɨnuamona, meineganodɨ caɨmare iitɨmacɨ. Jesús dɨbeimo naimacɨ illamona, navui duere sefuidɨmacɨ. Iemona uri iitɨmacɨ. Ieri Jusiñamuimona ɨbana feiñoitɨmacɨ”.

Bie rafue suille facaise Jusiñamui lloga uaina raise ɨɨnuanona, Jesús dɨbeimo raise illanona, comecɨaɨ ocuiñocana naimacɨ jaille.

Ado llote: —Jusiñamuina ɨɨnuanona naimɨena seda. Naimɨemo iobillacɨnona feca. Naimɨemo ɨɨnoñedɨnona ja duere fɨnoite. Monana, enɨrue dɨga, monaillai dɨga, ille dɨga, naimɨe fɨnua jira, naimɨena seda.

Naie facaise jɨaɨe jaɨenicɨ billanona, ado llote: —Monaillaimona bite ocainana bu sedaia, ie joreñona bu sedaia, ie uieco itofemo, ie onollɨmo ocaina cuetataga ra bumo ia, Jusiñamui rɨicaillafuemona, naimacɨna duenaiñenamona, jaca eo duere sefuitɨmacɨ. Irai motomo jaca duere sefuitɨmacɨ. Azufre boa isoi irai boode. Jusiñamui jaɨenisaɨdɨ Llauda isoidɨmɨe dɨga, iena cɨoitɨmacɨ. Naie irai illano jaca bouamona, ie uillɨe jaca baireite. Nainomona naie duere sefuidɨno jaca jilloñeitɨmacɨ. Iese naimacɨ fiodaiñeno jaca duere sefuitɨmacɨ —llote.

Naie facaise Jerusalémo Sion railla anedu muidomo Toɨca Llauda isoidɨmɨe naidaillana cɨodɨcue. Naimɨe dɨga ciento cuarenta y cuatro mil comɨnɨ itɨmacɨ. Naimacɨ uiecuaɨ itofiaɨmo naimɨe mamecɨ, ie Moo mamecɨ dɨga, jai cuega.

Naie facaise mona motomo jaɨenicɨ feiana cɨodɨcue. Naga naɨraɨmo, nana enɨruemo itɨnomo mare rafuena lluaide.

Jɨaɨe jaɨenicɨ billanona llote: —Babilonia railla naɨraɨ illano eo aillue; iadedɨ ja iñeite. Nainomo itɨno ja fuitɨmacɨ. Jeacɨnona nainomo itɨno eo fɨnua jira, jɨaɨe naɨraɨaɨna jeacɨnona jɨaɨ eo fɨnotatɨmacɨ. Babiloniamo jaie itɨno isoi, Jusiñamuimona duere sefuitɨmacɨ.