Popular Bible Verses from Apocalipsis 11

Share

Naie facaise jɨaɨe jaɨenicɨ ie trompetana fite. Monamo itɨno ado llotɨmacɨ: Jusiñamui, Cristo dɨga, illaɨma isoi, enɨruemo ite comɨnɨna biruimona jaca sedaite. Naie comɨnɨ naimɨe anamo raise iitɨmacɨ.

Ona naimacɨ ɨɨnoñenamona, o dɨga icɨritɨmacɨ; iadedɨ naimacɨna emodofidɨo. Bie facaise jai fiodaitɨno jillotajamona, ona naimacɨ ɨɨnoñena jira, naimacɨmona ja ɨbana oitɨo. Jearede rafuena naimacɨ fɨnua jira, naie facaise ona ɨɨnoñedɨnona duere fɨnoitɨo. O dɨbeimo maɨjɨdɨno, o facaina lloraɨnɨ, nana ona ɨɨnotɨno omona ɨbana feiñoitɨmacɨ. Nɨbaɨ jamai bue isoidɨmacɨ. Nɨbaɨ jamai bue isoiñedɨmacɨ; iadedɨ omona ɨbana feiñoitɨmacɨ.

Naie facaise menamɨemo cue uaina iitɨcue. Iaɨmaiaɨ cue llolle rafuena daje amani años abɨmo atomonado lloitɨiaɨmaiaɨ. Comɨnɨ comecɨ iuai meiduana iaɨmaiaɨ jitailla jira, sunaillamona, ebinide ɨniroina jɨtaitɨiaɨmaiaɨ —llote.

Darui amani abɨ atomonado illanona, fiodaillamona iaɨmaiaɨna Jusiñamui dane jillotaite. Ie muidona naidaitɨiaɨmaiaɨ. Nana iaɨmaiaɨna cɨodɨno eo jacɨnaitɨmacɨ.

Iaɨmaiaɨ Jusiñamui rafue llolle facaiseconi nocɨ deitañellena, iaɨmaiaɨmo Jusiñamui uai iite. Jɨnui dɨruena jaitallena iaɨmaiaɨmo uai iite. Iaɨmaiaɨ jitaicabilla facaise, dɨga isoide rafue fɨnuamona comɨnɨna duere fɨnoitɨiaɨmaiaɨ

Iaɨmaiaɨ mena olivos railla riara mamecɨdo itɨiaɨmaiaɨ. Enɨrue Namana Jusiñamui illanona, naimɨe uicomo mena ite lamparín ie raɨraco mamecɨdo itɨiaɨmaiaɨ. Iaɨmaiaɨna duere bu fɨnoacania, naimɨena meineitɨiaɨmaiaɨ. Iaɨmaiaɨ fuemona boode ra billanona, naimɨena meinetɨiaɨmaiaɨ Iaɨmaiaɨna duere fɨnodɨno iese fiodaitɨmacɨ.