Popular Bible Verses from Carta a los Gálatas 6

Share

Jusiñamui Joreño jitaillacɨnona fɨnuana sefuiruiñeno. Caɨ comecɨaɨ caɨ ocuiñoia, Jusiñamui jitailla facaiseconi ɨbana feiñoitɨcaɨ.

Ie jira nana comɨnɨna canocabi. Nana creyentiaɨna ua eo canocabi.

Bu duere sefuia, bu Taɨfe ramo faɨa, coninɨna cano. Iese omoɨ canoia, Cristo llogacɨnuaɨna jai ɨɨnotomoɨ.

Dama o abɨna jɨfueñeno. Budɨ Jusiñamuina jɨfuenide. Jeacɨnona bu fɨnoia, Jusiñamui ɨbana jaca oite. Marecɨnona bu fɨnoia, Jusiñamuimona ɨba feiñoite.

Ie comecɨmo ite maraiñede jitaillacɨno fɨnodɨmɨedɨ ie abɨna faɨfite. Fiodaite; iadedɨ Jusiñamui Joreño jitaillacɨnona fɨnodɨmɨedɨ monamo jaca iite. Faɨfiñeite.

Cue amatɨaɨ, omoɨmona damɨe ebena jamai jeacɨnona fɨnoia, dane Jusiñamui dɨbeimo naimɨe raise illena, naimɨemo fecuise icɨñeno llono. Omoɨ comɨnɨmona Jusiñamui Joreño comecɨaɨmo raise namatadɨnodɨ iese naimɨemo llofuellesa. Jeacɨno fɨnoi raillano, nagamɨiaɨ abɨ rairuillesa.

“Cuemo iese suiñeite. Dama abɨna sedadɨcue. Jamai bue isoiñedɨcue” comecɨna facadɨmɨe dama abɨna jɨfuete. Naimɨe jamai bue isoide. Maraiñeni raillano, ie fɨnoca rafueconi iobillena, nagamɨiaɨ ie fɨnoca rafuena abɨdo facaja. Dama ie maɨjɨa rafueconi iobilla. Dama ie maɨjɨa rafuedɨ naimɨemo duide. Jɨaɨmɨemo ite maɨjɨa rafuedɨ naimɨemo duiñede. Naimɨe fɨnoca rafuemona nagamɨe jeacɨnona fɨnoia, dama naimɨe muidona.