Popular Bible Verses from Hebreos 8

Share

Aiparareco retata. Echa cheɨrota chupe reta imbaeyoa reta re. Ngaraa chemaendúa imbaeyoa reta re. Jocorai jei Tumpa.

Echa ameeta morogüɨrocuavee ipɨau vae Israel pegua reta pe jocuae ara reta güire. Jae co cuae: Amoñemongueta retata cheporoócuai reta re, jare ayapoucata chupe reta cheporoócuai reta. Jae reta chemboeteta. Echa oicuaata che co jae Tumpa. Jare che amborɨ retata. Echa yogüɨrecota chembae retara.

Ngaraa etei quia omboe jentaɨgua cheré. Ngaraa etei quia omboe jentara cheré. Ngaraa etei quia jei iru vae pe: Eñemboe ñandeYa re. Echa opaete vae - michia reta jare ocuacuaagüe reta - checuaata co.

Echa Tumpa oicuaa Israel pegua reta iyoa vae reta co. Jae rambue Tumpa iñee pe oyecuatía oi quirai ñandeYa Tumpa jei corai: Mase, outa ara reta amee vaera morogüɨrocuavee ipɨau vae Israel pegua reta jare Judá pegua reta pe.

Opaete che jae ma peve vae oipota jei cuae: Oime ñanoi cuae nunga sacerdote tenondegua. Jae oguapɨ ma oi Tumpa iyɨque pe iyacatu cotɨ ara pe.