Popular Bible Verses from ROMA 12

Share

Siana ka arâ na bâhanami surigi na tauhata na enoni, ga pe tongesuri, ma kamu hagamarumungenia hete God, ki urisigi na aitangihami, hanana na parongami ka arâ getea hagetage tenia i nago. Manga ngekana, hanana mu page giraragi na obaniha iana God, ma na ta ki koro, ma na ta ki hagakoro obana God, ma na ta ki arari ngavê.

Hoita, goaku igê na tongesuriha, renia God ki takuigia ngavê, inê be kanukanugamu vikê: mu tagarenigamu maremi manga na vogasiha tanga God, ma igê na mêrihami hagenani mu tagara koro tanga God, ma kamu hagakoro obana. Na morana na hagarahenga kani ikê: i tuguhigamu, vi gamu tanua.

Mu ama ni vagevagesia nga na nasiha iami. Mu piringiape, matena ga tarahugamu na bagabevoani. Ma kamu nunginungi tare.

Siana kamu hagamarumungenia na eraha, ki teharigamu. Ma ki tuguhigamu hete, mu teharia na eraha renia na koroha.

Igamu kamu hetakuiheri bâraha mangara na hegoata, ga obahaku i Kirisito, ma kamu agana kamu hagabângenia, vi igamu kamu hehanetasige.

Siana kamu hagaparu, vi igamu kamu hetakuiheri. Mu kikitenia na eraha, ma kamu taua gatagata na koroha.

Igamu maremi, mu ama ni uhungia nga, hanana mu komanira na enoni hato.

Tamaku koro, siana hagetage, kamu usumia ta na enoni. Mu naka ma vê na siva tanga God, hanana i hagaitangia na enoni. Renia igê na Buka Apuna na Araha ki vi, “Inê be katoa na siva; inê be barua.”

Mu tagara ramo. Siana kamu marababaga. Mu tagara tanga na Araha i mêrihami hagenani.

Hoi, suria God ki mahata tangê, inê be vi tangagamu, igamu hato: Siana kamu hagarahasigamu maremi. Mu takotako maninga. Mu maresuria nga, ma kamu haritagi. Na ara ni hitangimi ki tuguhia, i suria so marena suria na tongesuriha, God i bani vatea renia.

Manga ta na enoni, ma ki erasigamu, siana kamu barua aporo na eraha tanga. Ma kamu uhungia nga hete, kamu tanugi na marâ, na enoni ga takusigi, vi ga koro.

Mu obâbahaku. Siana kamu paroparo. Mu haritagi. Siana kamu hagarahasigamu maremi, vi igamu ka na enoni takotako.

Ma igamu siana, renia na Buka Apuna ki vi: “Manga na merongami, ma ki magê, mu hagangêa. Manga vi ngaia, ma ki mamata na riona, mu vatea ki totono. Igê na tarana ngekê igamu kamu katoa, ki takotako rugu ma ki maki.”

Mu nungia God, hanana i korokoro tangara na enoni, ga hagamamasiagagamu. I monari, mu nungia God, ki korokoro tangara. Ma siana kamu nungia, ki aerasira. Matena na enoni ka vagevage, mu vagevage nogami henira. Matena i rugurugu na obata na enoni, i rugurugu nogami na obami henira.

Mu meratongani na goami igê na tongesuriha na nahuninga iami, ma kamu unira banu i pasimi na enoni mahuara.

Na apena na enoni ki gi tage ma, ma ki nahunigi rako na agua, ga nahunigi na tagaraha, ga râ hegitigi. I tagenana ma tangagia igia. Henaka vi igia ka rako, ma igia ki na haku gi tage, ga obahaku henia o Kirisito, ma igia ka heratorato igê na haku gi tage mangagi na agua i na apena gi tage na enoni, ga heratorato.