Popular Bible Verses from RANGANIHA 3

Share

Mu rongo! Inê kê ura i maa ni ruma, ma kê korekore. Manga vi ta na enoni, i rongoê, ma ki tangahia na maa ni ruma taraku, inê kê page bêbanu i ruma iana, ma inê ma ngaia kamuru bêrihu.

Inê kê bani girara na parongami. Inê kê girara, vi igamu kamu pe manga na ngêra, i mako se i maga. E, ma ke manga vi igamu, ma kamu maratorana na hitangiterua, vikê ke koro! Ma suria igamu kamu manga na ngêra, i mako okaga, i vi, i pe mako ma ki pe maga, inê kê page momoatenigamu.

Inê kê ramonira, ma kê hagaitangira na enoni hato, gê takuira. Hoi, mu takotako maninga, ma kamu murisigegi na tasi iami, ma kamu urisi parongami.

Inê kê bani girara na parongami. Inê kê girara, vi igamu kamu nahunia na kere ramoha. Igamu kamu bani râ suria na hagesuringa iaku, ma kamu pe hagaiga pusigamu maremi reniê. Inê kê bani tangahia na maa ni ruma tangagamu, ma ma ki bara tanga ta na enoni, vi ge girara ge purusia aporo.

Inê kê page katoa na ani, i tehateha, ki gâga so heniê igê na atohaku raha. Inê kê bani teha nogaku, ma i ngekê inê kê oga so henia o Vaemaku igê na atohana raha.

Igamu kamu vi, vi ‘Inê kê ruruguha. Na ara ni marâ hato i pasiku. Inê kê pe obanigi vi tani me nikâ na marâ.’ Ma igamu kamu pe girara, vi igamu kamu bâ heruruhi, ma kamu bâ hetaki ngavê. Igamu kamu matareha, kamu rupaturi, ma ka guru na maami.

Suria igamu kamu bani piringiape, manga hanana gê bani bonasigamu, inê kê page anumasigamu nikâ tenigi na bagabevoani, ga page tarahua na maveta hagenani, hanana ga uhungira na enoni hato i maveta.

Inê ki sugia ma vi ve râ me. Mu taua gatagata nga na marâ, mu nahunia, hanana siana ta na enoni ki hanagoa tenigamu na mahemi, na meni mu teha.

Mu rite, ma kamu hagamêrigi na marâ, mu nahunigi mênga, hanana siana ka meme ngavê. Suria inê kê tarahua, vi na parongami ka pe koro bâkoro i maana God iaku.