Popular Bible Verses from JEREMIA 7

Share

Matena gê torera hura na uvarimi tenia i Esipito, inê kê pe bonasira, hanana vige susu tangê, se vige vogasiê renigi na ganiani. Ma kê bonasira hete, hanana viga têtê viteaku, hanana vi inê kê voravora re na God iata, ma ngaira ka voravora re na kariaku. Inê kê bonasira, ka marupegi na ramata iaku, hanana viga nahunia na ramana.

Ma ngaira ka haritohe ma ka guguruga. Ngaira ka ama ni nga togeaga ma ka râ suri barisuta mareta. Ngaira ka ama ni era ngavê nga, teharia vige koro hete.

Mu urisi parongami hete. Mu hagahigasigamu heri igê na otoha. Siana mu hagamamasiagara na mahuara, na kare banogo ma na gete na nâ. Siana kamu nahuira ka meme ikê na enoni, ga oga suri parongata. Siana kamu vogasira na harasita na enoni getera, hanana vi pe tarahugamu na eraha. Manga mu urisi parongami, inê kê nakagamu, kamu gâga tare igê na marê ikê, na marê gê bani haganahunira na uvarimi renia, ka nahunia gatagata.

Na Araha God raramohaga hunia, na Isiraelita ka rahesia, ngaia ki tamasi vikê tangagamu: Mu urisi parongami, hanana mu gâga tare ikê.