Popular Bible Verses from ISAIA 51

Share

Na Araha ki vi tanga Jerusaleme, ki vi: “Inê nga na ani gê kanukanugamu. Tanu hega mu magutenira na enoni, ga girara ga meme? Na mêrihata ki abubu, manga na go ga retegi.

Inê kê gasia na vavearo, ma kê naka na maveta, ki nganganihaga igê na atohana. Inê kê visigamu, vi igamu ki na kariaku. Inê kê bani hagesurigamu. Inê kê anumasigamu renia na raramohaku.”

“Mu karingê, igamu na ani mu girara na otoha ma kamu nganganihaga igê na hagesuringa iaku. Siana kamu magutenira na enoni, ga ramonigamu ma ka guharigamu.

“Inê ma na Araha be takuia Jerusaleme. Inê be kanukanura na enoni hato, ga oga igê na hinua, i aruhuruhu ngekana. Naka ma na agua i sutasutaga ma ki bera, inê be katoa, ke hagagara koro ma ke bâkoro ngavê manga i Paratiso. Na enoni igê ka page obakoro, ma ka page vagevage bâraha ma ka page kiki ka visiê raha.

Na ani, go hagatahira, ka page ataata i Jerusaleme. Ngaira ka page obakoro ma ka page kiki, ma ngaira ka page ngerengere vagevage. Ngaira ka page ageage tare, ki bê ki arâ, suria na anumanumaha ma na mamasiaganiha ka mutemute ngavê tenira.