Popular Bible Verses from TANIELE 6

Share

Matena o Taniele ki girara, vi na ramata ngekana ki gatagata, ngaia ki aporo i ruma iana. Na kiboru i ahaha i ruma iana ki tonga igê na mabaha, ga maa bêrâ tanga i Jerusaleme. I ngekana ngaia ki susure igê ma ki rahesia God, manga bani hanana i hagarahe hageoru tare i na ara ni tangiani.

God ki kasia me na angero iana, ki hagamanatara na laione. Tahema ngaira ka pe gareê. Ngaia ki kato vikana, suria ngaia ki bani girara, vi inê kê matarotaro, ma kê pe katoa rârâ ta na tarana, vige erasigo.”

Inê kê bonasigamu, igamu hato mu oga i ruruhana na arahanga iaku, mu hanetasia ma kamu hagahigasia na God iana o Taniele. Ngaia ki na God mamauri, i Araha tare, ki bê ki arâ. Na arahanga iana ki asa, vige page hato. Na raramohana ki asa, vige page arumakaka. Ngaia ki hagatahira na enoni, ma ki katora, ka ape tatara. Ngaia ki katogi na mena ma na tagaraha raha i vavearo ma i maveta. Ngaia ki hagatahia o Taniele tenigi na harata na laione.”

Vikana na maneraha ki haribona, ka torea o Taniele ma ka kasia so igê na kiru, i vunu renira na laione. Ngaia ki vi tanga o Taniele, ki vi: “Ge hagatahigo na God iamu, go takotako suria maninga tare.”