Popular Bible Verses from TAGARAHA IATA NA APOSOTOLO 2

Share

O Petero ki vi tangara, ki vi: “Mu urisi parongami tenigi na tasi iami, na ara ni hitangimi. Ma kamu batesimo, ma kamu tongesuria o Jesu Kirisito, hanana God ki bonotenigi na tasi iami. Ma God ki page vategamu na votovoto iana, ngaia ka na Higona Apu.

Ngaira ka aganarigi na hagesuringa iata na aposotolo. Ngaira ka obahaku henira na enoni, ga tongesuri, ma ka ngê apuna haku henira, ma ka nunginungi haku henira.

Na Higona Apu ki angarira ngavê, ma ngaira ka haganega ka tamasi igê na tamasinga i na agua getigi, suria na Higona Apu ki katora ka tamasi vigana.

Ki parama, ma ki râ me ta na marâ tenia na vavearo, i rongo manga ta na roga raha, ma ngaira hato i ruma ka rongoa. Ma hemuri ngaira ka bâsigi tani na marâ, ga bâ mangagi na vavatani na gi, ga totoko suria na ara ni hitangita, ga oga i ngekana. Na Higona Apu ki angarira ngavê, ma ngaira ka haganega ka tamasi igê na tamasinga i na agua getigi, suria na Higona Apu ki katora ka tamasi vigana.

Na ara ni tangiani ngaira ka ama ni aretaku nga tare i Ruma ni Rotu, ma ka ngêngê haku rârâ surigi na ruma iata. Ma na matena ga ngêngê, ngaira ka vagevage, ma ka haritagi. Ngaira ka visia raha God, ma ka vagevage i obata, suria na enoni hato ka hekomaniheri. Ma i na ara ni tangiana na Araha o Jesu ki hagarakonira igê na enoni, ga tongesuri, renira na enoni, God i hagatahira.

‘God ki vi: Nga hanana na marâ, gê page katoa igê na hagahato tangiani kani ikê: Inê kê page vatera na enoni hato na Higona Apu iaku. O karemi ma ka karemi ka page taroheniê. Na mane taura i pasimi ma na mane êragi nikâ ka page marute.

Na enoni hato, ga tongesuri, ka ama ni obahaku nga henira na tamata, ma ka henahunisi renigi na nahuninga iata. Ata ni vi ma: ngaira ka hagavuringenigi na nahuninga ma na ruruguha iata, ma ka hetongasige renigi na haga, ma ka tamanira re na ara ni hitangita.

Ma na enoni, ga tongesuria na Araha, ka page tahi tanga na mauriha mora.’

Na arito ki page roto, ma na hageha ki page memera manga na gapu. Ma hemuri ki page atata me na Tangiana na Suriha Raha iana na Araha.