Popular Bible Verses from 1 KORINTO 6

Share

Mu pe girara vari, vi na apemi ka manga na ruma apuna iana na Higona Apu, i oga i pasimi, suria God ki bani vategamu? Igamu kamu pe nahunigamu maremi, ma ngaia hete nga God kani nahunigamu. Ngaia ki bani vurigamu renia na mena raha. Tahema i tuguhigamu, vi gamu hagahigasia renigi na tagaraha na apemi.

Igamu kamu bani girara, vi na enoni era ki asa, vi ge page oga i pasina God na Araha. Siana kamu hagabekasigamu maremi! Na enoni, ga paronga era, se ga vogasira na ataro, se ga gamogamo, se na mane garu varangi heri, se na gete garu varangi heri, se na enoni ga hanago, se ga hagatage, se ga ruguhira tare na tonoha, se na enoni ga tamasi erasira na enoni, se na enoni ga aharê igê na ramata, na enoni ngegana ki asa hagetage, vi ge page oga i pasina God na Araha.

Siana kamu gamogamo. Na ani mavê na tasi getigi, na enoni ki tanugi, ki pe tanugi renia na apena. Ma na enoni, i gamogamo, ngaia ki tasi erasia na apena marena.

Ta na enoni ki vi vari, “Inê ki arariê ma, vigê katogi na ani mavê na marâ.” Ua, ma ki mareha vi na ara ni marâ ke koro tangago. I monari, inê kê girara gê vivi, “Inê ki arariê ma, vigê katogi na ani ma vê na marâ.” Ma inê kê usi, vi ta na marâ ke aharêsiê.

God ki hagamêria aporo na Araha tenira na enoni, ga me, ma suria ngaia ki raramohaga hunia, tahema ngaia i page hagamaurigia aporo nogaka.