Popular Bible Verses from Apocanisi 17

Share

Eꞌe, ojjaña quea mimishi cuana ojee poquije Jesosa quecuaa nisho. Eꞌe, Jesosa quecua sa acaje cuaa. Jamatii Jesosa quea caꞌa nee nee. Ojjaña huoojea cajeꞌyo. Ojjaña emeshi mese cuana huoojeajji oe nei Emeshi Mese nei poajeꞌyo Jesosa. Jamajjeya Jesosaa ojaya epeejji cuana nijjeya ojjaña quea mimishi poani quecuadehuejea cajeꞌyo. Eꞌe, Jesosa nijje ani ojjaña ojaya epeejji cuana. Jesosaa oya cuana babacaꞌyo majje iyaa canaje ojaya epeejji epojji —esohuidojojjiya eya acanaje.

Majoya oe esohuidojojji e que poeyanaje, ma aquiana canecojo ani shojea canaje. Oya enijje miminaje jama baꞌa: —¡Cuaꞌa! Eyaya miya ba meeje ache nee nee poaje baꞌa ojjaña ma cuiñajji quea mimishijo baꞌe. Ojjaña cuana epona pea cojjojji jayojja nei nei poani. Oya quea huiso bae biajje anioqueani jayojja jama quea huiso nee nee quea mimishi po mee cani.

¡Bacue! Oya shadaa ai jayojja yahuajo nei nei nequia poa meshijo. Jamatii jjeya oya chamaꞌ meshijo. Quijje oya quea huesha nee jaa poeje oꞌoya, jjani aijo ma mimishi cuana manoꞌyo majje poquiꞌyanijje jaa poeje oꞌoya. Majoya Eyacuiñajjiya oya quea nee nee po mee cajeꞌyo. Jamajjeya Jesosaja epeejji pojjeama quea huiso meshijo baꞌe, ma Eyacuiñajjiya yahuajo nei nei meshi pana coo jeahuajo onajaya bajjani cuana tehue jjima ojaya etehueꞌyo ebaꞌe tiitiiꞌyojjijo, maya cuana ma shadaa ai jayojja ba majje quea ajjajja nee nee poaje. Eꞌe, ma shadaa ai jayojja yahuajo nei nei nequia poa; jjeya ca chamaꞌ meshijo; jamatii quijje quea huesha nee jaa poeje oꞌoya Jesosa jeabichajeaa nisho —esohuidojojji poanaje.

Ebahuajje ojaya bajjani etehueꞌyo poanaje ma ojjaña dejja cuanaja quea quehua. Ese ejjaja esohuijo jama bajjani baꞌa: “Babinonia cuiñajji quea quemo ojjaña mimishi cuana baꞌejji” bajjani. Jama tehuemeꞌyaya ojaya ebahuajo jaa.