Popular Bible Verses from 1 Timoteo 6

Share

Jama jjashahuabaquime pocue baꞌa: ¡Dejja quebanei poanijo janobajjima nei nei cuajicuajiani jayojjaya miya Eyacuiñajji nijje quea jaꞌa nee nee jjapeequicue! Hueaꞌama poajo ohuaya miya baꞌe tiitii mee cajeꞌyo onijje, manoꞌyajo. Yahuajo ojjañaa cojja ba canijo miyaya huohuinaje jama baꞌa: —Jesosa Quito ecuea Emeshi Mese nei jjeya poani. Jamajjeya miya Jesosaja epeejji poanaje eꞌe jojo nei; Eyacuiñajjiya miya babaca caꞌyonaje onijje ebaꞌe tiitiiꞌyojji.

Eꞌe, quea huiso ejjeshejji cuana, quea huiso aquiana cuana sa neinei poanijo ojjaña mimishi cuana acani cuaa. Ejjeshejji cuana, aquiana cuana sa neinei poanijo Eyacuiñajjija esohui jayojja jama apajea cani. Jamajjeya quea yeno nee nee poani; quea bei nee baꞌe ajja.

Eꞌe jojo nei Eyacuiñajjija esohui jayojja jama baꞌyanijo, quea jaji nee poanijo peaꞌai, quea bihui nee nee poajeꞌyo.

Eꞌe, eseya cuayanaje aemaꞌ nei nei. Quijje manoꞌyo majje aemaꞌ nei nei poquijeꞌyo.

Timoteo, dejja cuana quea aquiana huiso nee nee yasijje huohuicue jama baꞌa: —¡Pea cuana aꞌa cajaa ajji! ¡Miquea aquiana quea huisojo aꞌa jjashahuabaqui tiitiijji! Quea huiso aquiana cuana nequi tiitii ajjajo ¡aꞌa aquiana quea huiso jea bajji! Miyaya ¡Eyacuiñajji eshe tii tii nequi quea jea nee acue! Ohuaya ojjaña aquiana quia cani ese quea jaji pojji.

Joya quea huiso aquiana nahue sa poani ca ca eshahuaja ejiojji yasijje poqui quehuaꞌyo chanaꞌ. Ejjashahuabaquiꞌyojji cuana quea taijo quea tai baꞌejeꞌyo, quea yeno. Cuaqui yasijje quijje poquijeꞌyo peaꞌai, de.

¡Pea quea pame nee acue miyaya! Eꞌe, ¡pea cuana nijje quea pame nee atiitiicue! ¡Aꞌa quea aquiana nahue pojji aemaꞌ cuana nijje; nishehuiꞌama pocue! —jamaya oya cuana acue, Timoteo. Jamaya poani tiitiijo, quijje Eyacuiñajjiya oya cuana sosequia cajeꞌyo quea huiso eyajo. Jamajjeya Eyacuiñajjiya oya cuana nequi tiitii mee cajeꞌyo eyajo onijje. Ebaꞌejji quea jaꞌa nee nee, quea pame nee nee ojaya poajeꞌyo.