Popular Bible Verses from 1 Timoteo 4

Share

Timoteo, miya edejja shoꞌi pishana poani. Jamatii pea cuaa miquea esohui cashajjaꞌajja cahua. Jamajjeya ¡quea jaꞌa nee Jesosa Quitojo mimicue, miya! ¡Quea jaji nee oe pocue! ¡Pea cuana quea jea nee acue! ¡Eyacuiñajji nijje jjapee tiitiiquicue eꞌe jojo nei! ¡Ojaya epeejji nei nei pocue! ¡Quea jjashahuabaqui jaꞌa nee oe pocue peaꞌai! Jamajjeya ojjaña Jesosaja epeejji cuana mi jayojjaya poaje. Quea pame nee nee acajeꞌyo cuaa.

Jamaya acue baꞌa: Chaco tiitii majje miquea eyami quea caꞌa poaje. Jamaya quea pame pishana. Eyacuiñajjija esohui jayojja jama atiitii majje ojaya epeejji quea jaꞌa poaje. Jamaya quea pame nee nee. Jamaya poanijo Eyacuiñajjiya miya jjeyahua nei quea pame nee baꞌe mee caje; manoꞌyajo, baꞌe tiitii mee cajeꞌyo eyajo peaꞌai.

Eꞌe, ¡miquea esohui jayojja jama baꞌe tiitiicue quea pame nee! ¡Esohui eꞌe nei huohui huichaꞌa huichaꞌacue! Jamajjeya miya poquiquehua ajja eshahuaja ejiojji tai yasijje. Pea cuana miquea esohui shajjaꞌajja majje cuaqui yasijje epoquiꞌyojji pojjeama peaꞌai.

Timoteo, pea esohui eyaya huohuije esohui huohuijji nishojo. Yahuajo nei Edojjoshahua Pameya huohui ca poa jama baꞌa: —Quijje Jesosa Quito poe oꞌoya jjimahuajo, Eyacuiñajjija esohuijo jjabahuejjaqui majje beca cuaa ojaya esohui jayojja jama apajea cajeꞌyo. Eshahua cuana shajjaꞌajja caje. Eshahuaja esohui tai cuana jayojja jama acaje. Eshahua cuana aje oe jjadasiaquijji, de.

¡Etiiquianaja esohui quea quehua aꞌa shajjaꞌajjajji, Eyacuiñajjija esohui cuana jayojja jama pojjeama! Onaajaya esohuiya quea pame baꞌe mee nisho cani. ¡Aꞌa jamaya pojji! Timoteo, ¡miyaya oe Eyacuiñajjija esohui jayojja jama amajamajacue!

Eya, Pabo poeje quijje pishana mi baa. E poe jjimahuajo, ¡Eyacuiñajjija esohui huohuicue ojjaña joya Jesosaja epeejji ejjachichaqui ani yasijje! ¡Ojjaña cuana jjabahuejjaqui meesahuacue; Jesosaja esohui ba meesahuacue peaꞌai!